اليوم سنتكلم عن بعض الخدمات الوهمية فى موقع خمسات مثل جلب مشاهدات على فيديو يوتيوب وجلب زوار لموقعك وخدمات التويتر والانستجرام والاعجاتاب والمشتركين كل خدمات مواقع التواصل الاجتماعى .
فى البداية احب ان اروى مشكلة حدثت لى فى خدمة طلبتها وهى جلب 12 الف مشاهدة على فيديو لى ثانى يوم البائع سلم الخدمة بدون الرجوع لى وعن مستوى الخدمة قلت مش مشكلة المهم اروح اشوف ال 12 الف مشاهدة على الالنيتكس على اليوتيوب لقيت المشاهدات لا تتجاوز ال 6 ثوانى وتخيلوا اعجاب واحد لم ياتينى من هذة الخدمة المهم حسيت ان الرقم اتغير بس على الفيديو بدل ما كان 300 اصبح 12300 صراحة الخدمة لم تعجبنى وحسيت انى اتنصب عليا فى خمسة دولار مش مشكلة محدش بيتعلم ببلاش
رحت طبعا قيمت الخدمة تقييم سلبى ودا كان اول تقيم سلبى للخدمة من 70 تقييم وبدأت المشاكل مع البائع .
ارسل لى رسالة انت لية قيمت الخدمة سلبى رديت علية لانى لم استفد من الخدمة وال 12 الف مشاهدة طبعا توالت رسائل التهديد من البائع انت متعرفش انا ممكن اعمل اية , ونا خبير فى اليوتيوب , الخ الخ الخ
وعرض عليا انة يرجعلى ال 5$ مقابل انى احذف التعليق السلبى طبعا دخلت ادارة موقع خمسات فى المشكلة وفتحت تذكرة وعرضت كل اللى قالة البائع وانى من حقى انى اقييم الخدمة بسلبى او ايجابى فهذا حقى كمشترى .
فوجئت ان ادارة موقع خمسات اللى هما بيفصلوا فى المشاكل بين البائع والمشترى بينحازوا للبائع وبيحذفوا التقييم السلبى بدون الرجوع لى كل اللى قالوة احنا عملنا تحذير للبائع على التهديدات وخلافة طبعا فى سرى ضحكت ... وقلت اذا ادارة خمسات بتشغل ناس هاوية لا يستطيعوا الفصل الحق الموضوع استفزنى قلت اتعب شوية واشوف مصدر المشاهدات بيجبوة من اى طريقة وقعت على فيديو شرح مواقع سيرفرات بيع خدمات المشاهدة وكل اللى ذكرتة فوق بأقل الاسعار يعنى بيوصل ال 1000 مشاهدة ب 020 سنت وهاكذا فى باقى مواقع التواصل الاجتماعى .
كلها زيارت وهمية ومشاهدات وهمية واعجابات وهمية تباع على موقع خمسات والمواقع الاخرى الى اخرة .
اذا حابب تشوف السيرفرات اكتب اميللك وتعليقك وارسلهالك .
لذلك احذر اى شخص من شراء الخدمات الوهمية على خمسات او اى موقع اخر لانها خدمات وهمية مثل جلب مشاهدات على فيديو يوتيوب وجلب زوار لموقعك وخدمات التويتر والانستجرام وكل ما يخص من مشتركين وتعليقات واعجابات .
واحقاقا للحق توجد خدمات ممتازة على خمسات بعيدا عن الخدمات التى ذكرتها .
